Sécurité routière : le mois de décembre plombe le bilan 2018 en Haute-Corse
(Julien Pernici - Alta Frequenza) -
U prifettu llu Cismonti, Gérard Gavory, hà fattu un puntu par ciò chì tocca à a sicurità stradaghja pà u 2018. U 30 di nuvembri, u bilanciu era calatu in fatti di murtalità : hè statu di quindici morti quist’annu, inveci ch’idd’era di dicenovi, annu à a stessa epica. Ma par disgrazia, u 4 di dicembri, sò morti quattru parsoni pà issi stradi llu Cismonti, è u bilanciu veru lli morti si hè fattu più grevu. Sò stati cuntati 3200 scarti di vitezza, è trà quissi, parichji cintunai sò stati misurati à più di 40chm à l’ora da supra à a limita lla vitezza. Hè d’altrondi issa vitezza a causa principali di l’accidenti murtali in Cismonti.
Stemu à senta à Gérad Gavory, u prifettu llu Cismonti.
