Rixe de Siscu : communication de l'association des maires de Haute-Corse
(A redazzioni d'Alta Frequenza) - In un cumunicatu, l'associu di i merri di Corsica Suprana annunzia a so "sulidarità cù i ghjovani di Siscu agressati nant'à a piaghja è à tutta a pupulazioni sischesa" è "arreca u so sustegnu è a so amicizia à Ange Pierre Vivoni, u merri di Siscu". "L'Associu di i Merri cundanna i manipulatori razzisti chì volini attizzà è fà impeghjuriscia ssa situazioni com'è quilli, integristi, chì si volini ghjuvà di una rilighjoni pà cuntribuiscia à a rumpitura di a nostra sucità è di u pattu republicanu. L'Associu di i Merri cumunicheghja a so simpatia è a so dispunibilità di pettu à a pupulazioni magrebina chì voli campà in paci, è voli ch'ella pudissi cuntribuiscia, à fiancu à noi, à a sradichera di tutti i formi di stremisimi", si pò leghja in u cumunicatu.
Ritrattu Metronews.
