Résolution de l'affaire COFREMAR : l'implication de l'Etat
(A redazzioni d'Alta Frequenza) - A distribuzioni nova di i carti ind'i trasporti marittimi inghjenna torna una mansa d'affari. A liquidazioni di a COFREMAR, sucità satellita di l'anziana SNCM è di a CMN, poni sempri prublemi in u mondu marittimu è ecunomicu di a Corsica. Finanziata da l'uffiziu di i trasporti, ssa struttura gistiscia soldi distinati à l'aiutu di l'intrapresi chì facini impurtazioni è spurtazioni nant'à a Corsica. Criticata da a Corti di i conti, hà piantatu a so attività in u 2014 è ùn hà più ricivutu finanziamentu da a parti di a CTC dipoi ssa data quì. Prublema, ed hè maiò, traspurtadori numarosi aviani cartulari in corsu cù a COFREMAR ed hè difficiuli oghji di fà un bilanciu pricisu di a situazioni; sariani in ghjocu quantunqua 9 millioni d'auri. Oghji i cumpagnii marittimi, l'Uffiziu di i trasporti, i traspurtadori è u Statu, si sò aduniti pà scioglia un nodu propiu cumplicatu. U Statu hà dicisu di participà à a chjarificazioni di ss'affari; ancu splurendu i vii ghjuridichi è amministrativi.
Steti à senta à Benoît Bonnefoi, u secretariu generali di l'affari di Corsica.
