Relance économique : le député Pè a Corsica Michel Castellani interroge Bruno Le Maire à l'Assemblée Nationale
Marti, à l’assemblea naziunali francesa, mentri i quistioni à u guvernu, Michel Castellani, u diputatu lla prima circuscrizzioni llu Cismonti, hà intarrugatu à Bruno Lemaire, u ministru di l’ecunumia è di i finanzi.
Fattu l’annunziu d’un imprestu cumunu à i 27 stati membri di l’Unioni Aurupeana, è chì duvaria finanzà u pianu francesu di rilancia à 40 %, Michel Castellani hà quistiunatu u ministru par dui punti pricisi.
In prima par ciò chì tocca à u parcintuali di 20 % d’issu pianu didicatu à u sviluppu à longu andà. In Auropa, a media hè di 30 %.
Hà parlatu dinò, u diputatu, di a nicissità d’una cuncirtazioni cù i tarritoria pà issu pianu, innanzi ch’iddu sichi prisintatu in cunsigliu di i ministri u 21 d’austu.
Steti à senta à Michel Castellani
Da fà rimarcà a vulintà di dialugu llu guvernu, Bruno Le Maire hà mintuvatu una riunioni cù i diputati, subbitu dopu à a sissioni.
Hà pricisatu u ministru chì a so intinzioni hè di purtà à 30 % a parti d’issu pianu di rilancia didicata à u sviluppu à longu andà.
Steti à senta à Bruno le Maire
