Refondation de l'école : ce qu'en pense Xavier Luciani
(A redazzioni d'Alta Frequenza) - Rifundemu a scola ! L'uparazioni hè stata lanciata arimani (luni) in Aiacciu, è duvaria cuntinuà cù riunioni in Bastia eppo in Corti, una delucalisazioni ritinuta pari da cuntintà à tuttu u mondu. Istituzioni, urganisimi è strutturi partenarii di l'Educazioni Naziunali erani dunqua invitati à participà à issu grandi dibattitu nant'à ciò chì sarà a scola di dumani. Quissa quì duvarà sbuccà principiu d'uttrovi à a prisintazioni di un raportu chì duvarà aiutà dopu u guvernu à pighjà urientazioni novi pà l'Educazioni Naziunali. A Corsica conta d'accuppà bè tuttu u so spaziu inde issu dibattitu ed hè stata ditta di modu più cà chjaru da u prifettu di Corsica è u rettori di l'accademia di Corsica : à u fà di una nova fasa di dicintralisazioni, ci voli à escia di una visioni troppu ghjacubiina di l'Educazioni Naziunali. Saveriu Luciani hà nutatu cun suddisfazioni u spiritu novu oghji chì hè oghji da u cantu di l'alti istanzi di u Statu ; ed hè un bon affari pà l'avvena è frà altru pà l'ultima fasa d'elaburazioni di u Padduc.
Écoutez le conseiller territorial de Femu a Corsica, qui est également enseignant.
