Rassemblement contre la cherté des carburants en Corse ce samedi à Bastia
U cullittivu « Agissons contre la cherté des carburants en Corse » faci un’accolta in Bastia, sabbatu u 3 d’aprili.
« Sò anni è anni chì l’eletti ani navigatu à nantu à issa particularità, par pattà a so poca vulintà à risolva i prublemi », dici u cullittivu in un cumunicatu.
« i gruppi privati, chì sciaccani u so monopolu à nantu à a Corsica, ni prufittani par sprimunghja ci quant’è aranci. Hè ora di dì basta ! U prezzu caru lli carburanti in Corsica ùn hè fatalità ! », scrivi ancu u cullittivu. À senta lu, cù prezzi pari à quiddi lli Bouches du Rhône, ci saria da 200€ à 300€ d’ecunumia à famidda à l’annu, è sariani 32 miliona d’auri à pudè essa invistiti in l’ecunumia inveci d’essa spesi in i carburanti ».
Daretu à issa sola parolla « carburants : c’est le trop plein ! », u cullittivu spera una mubilisazioni larga è diversa.
