Quatre matches de Ligue 1 auront lieu le 5 mai prochain, 27 ans jour pour jour après la catastrophe de Furiani
(A ridazzioni d'Alta Frequenza) - U 5 di maghju, ani da fà vintisett’anni ch’idda ci hè stata a catastroffa di Furiani. Dicenovi morti è vintitrè milla ferti, cù un cullittivu chì si batti sempri da ch’idd’ùn si ghjochi à ballò issu ghjornu in francia. Annu, s’era rispittata issa mimoria, chì u 5 di maghju cascaia un sabbatu ; è cusì l’avia cuncessa a LFP, dopu à un’azzioni llu guvernu in u 2017. Ma quist’annu, u 5 di maghju issendu in duminica, sarani quattru i scontri di Liga 1 issu ghjornu. U Cullittivu hè uffesu da issa nova, quant’è tanti corsi è ancu di più. L’addistradori aghjuntu di Saint Etienne, Ghislain Printant, ch’hè statu addistradori di u SC Bastia, hà fattu sapè ch’idd’ùn era mancu stampa d’accunsentu, masimu chì a so squadra di Saint Etienne hè custretta à ghjucà issu ghjornu
