Prorogation des Arrêtés Miot : les clarifications de Paul Giacobbi
(A redazzioni d'Alta Frequenza) - L’assemblea Naziunali hà aduttutu vennari da mani a mudificazioni pruposta da Paul Giacobbi da prulungà torna una volta l’arresti Miot. Si tratta in fatti di una mudificazioni di François Pupponi, diputatu di u Val d’Oise, fusiunata cù quilla prisintata da Paul Giacobbi, diputatu di Corsica Suprana è presidenti di l’Esecutivu di Corsica. Fora di a prova d’uppusizioni di Charles de Courson, pà chì l’Arresti Miot sò unu di i numarosi privileghji accurdati à i corsi, ùn si pò micca parlà di dibattitu infiaratu inde l’emiciculu. Hè a « saviezza » infini di l’Assemblea Naziunali, d’appressu à i parolli di u rapurtadori ghjinirali, chì si hè imposta. S’è issu dibattitu s’hè tinutu guasgi inde l’indifarenza in Parighji, ùn hè micca statu u casu in Corsica duva cumunicazioni, à dì la franca cuntradittorii, ani fattu nascia un principiu di pulemica. Pà fà la compia, Paul Giacobbi, una volta falatu da l’avviò vennari à sera, hà vulsutu chjarificà l’affari duranti una cunfarenza di stampa. U simplici citadinu, à centu mila chilometri di tutti issi cunsidarazioni, diciarà chì u più impurtanti inde st’affari hè chì ghjustu appuntu a paura di a sparizioni di l’arresti Miot s’alluntaneghja, infini par avà.
Écoutez Paul Giacobbi.
Sur le même sujet
