Propriano : convention pour le Patrouilleur Maritime de Secours et de Sauvetage de la SNSM
(A redazzioni d'Alta Frequenza) - Ssu marcuri hè stata firmata una cunvenzioni annant'à trè anni in casa cumuna di Prupià, pà a missa in ballu di un battellu di patruglia di succorsu è di salvezza di a SNSM. A missioni priuritaria di quissu quì sarà a surviglienza è a salvezza di i sfarenti liturali custieri di i 5 cumuni di u golfu di u Valincu. Pà pudè unurà ssa cunvenzioni, a SNSM hà missu in anda a custruzzioni di ssu battellu novu finanziatu da a Fundazioni Total. Ssa cunvenzioni hè stata firmata da a direzzioni naziunali di a SNSM è i 5 cumuni : Prupià, Sarra di Farru, Campumoru, Cotichjavari è Ulmetu. Ssu dispusitivu privedi di fattu a prisenza permanenti in mari da u 20 di ghjunghju fin'è u 20 di sittembri da deci ori è mezu di mani à sei ori è mezu di sera di i salvatori. I spesi liati à i paghi sarani presi in carica da i cumuni. A SNSM t'hà com'è scopu di sviluppà ssu prughjettu novu pà u Valincu inde altri lochi di Corsica.
Sur le même sujet
