Procès en appel des gîtes ruraux : Paul Giacobbi était à la tête d'un système pour ANTICOR, partie civile
(A redazzioni d'Alta Frequenza) - Prima avucata ssu marcuri dopu meziornu duranti u prucessu in appellu di l’affari di l’alloghji campagnoli, quilla di maestru Jérôme Karsenti, avucatu di l’associu ANTICOR, a sola parti civili di ssu prucessu. È d’appressu à ellu, i sei privenuti sò tutti rispunsevuli à parechji nivelli. A capisirviziu Marie Laure le Mée, rispunsevuli d’avè participatu cù a so azzioni amministrativa, ma malgradu tuttu in una situazioni micca cunfurtevuli d’appressu à ellu, di pettu à una mancanza di prutezzioni di funziunari dinunziendu prublemi à l’autorità cumpetenti. U cuntrullori, Jean Hyacinthe Vinciguerra, più vicinu ch’ellu a dici da u cabinettu di Paul Giacobbi sicondu Jérôme Karsenti. L’eletti Jacques Costa è Pierre Marie Mancini, rispunsevuli d’ùn avè dittu nulla nant’à a manera di viaghjà di u cabinettu, mentri ch’elli sapiani sicondu i so detti u pesu di quissu quì. Thierry Gamba Martini, pezza di prima trinca d’un sistema. È infini, Paul Giacobbi, chì pà Jérôme Karsenti ùn pudia micca gnurà l’atti di u so cabinettu, è sapia bè ciò chì si passava par via, sempri d’appressu à ellu, d’un accordu di funziunamentu cù Dominique Domarchi è Augustin Viola.
Steti à senta à Jérôme Karsenti.
