Procès des gîtes ruraux : le grand déballage de Jacques Costa
(A redazzioni d'Alta Frequenza) - Ssu vennari, a cinquesima ghjurnata d'audienza di u prucessu di l'alloghji campagnoli davanti u tribunali currizziunali di Bastia hè statu u teatru di un evenimentu maiò. In fatti, u merri di Multifau, Jacques Costa, u prima à passà à a barra, s'hè missu à palesu. D'appressu à ellu, presidenti di a cumissioni di u mondu rurali da u 2008 à u 2013, scunsigliava di manera assai chjara à i so amministrati di prisintà un cartulari di suvvenzioni pà un alloghju campagnolu parchì, d'appressu à ellu, hà capitu in furia "ch'ellu ùn ci vulia micca à tuccà à i cartulari di l'alloghji". Cuntinuendu cusì, Jacques Costa hà incausatu di manera propiu chjara u cabinettu di l'incaricati di missioni di u cunsighju generali di Corsica Suprana pà quali, sempri d'appressu à ellu, "passava tuttu, ancu i parafori" è ancu à partasi di un certu mumentu l'aiutu à i cumuni, postu chì a cumissioni t'avia solu dopu un rollu simbolicu vistu chì trà a cumissioni è i raporti prisintati in seenza, i sciffri pudiani cambià certi volti. Jacques Costa, chì ùn hà micca incausatu u capicabinettu di l'incaricati di missioni, hà parlatu di un cunsighju generali induva si piazzava "i parsoni ch'ellu ci vulia, induv'ellu ci vulia" è "induv'ellu si viaghjava cù a carotta".
Steti à senta à Jacques Costa chì ci spiega i so rivelazioni è parchì ùn l'hà micca fatti prima ad oghji.
Sur le même sujet
