Prime de Noël : les précisions de Dominique Bucchini à l'Associu Corsu Pè Vive
(A redazzioni d'Alta Frequenza) - Com'ellu a faci ogni annu, l'Associu Corsu Pè Vive và à l'Assemblea di Corsica pà dumandà a prima di Natali. Duranti anni è anni, ss'associu è i so militanti, s'adunisciani davanti à u Grand Hôtel ma oghji hè ind'u scagnu di u presidenti chì i so membri sò stati ricivuti. Pà l'Associu, una rivindicazioni : chì l'Assemblea di Corsica li dessi un aiutu pà pudè spartalu in sfarenti primi di Natali. Un presidenti di l'Assemblea di Corsica chì hà dittu ch'ellu era statu à l'ascoltu, ma pà quali nulla pò essa dicisu par avà. Dominique Bucchini hà dittu chì ci vulia chì l'Assemblea di Corsica sighi sullicitata grazia à a custituzioni di un cartulari par ch'ella pudissi risponda è dà un aiutu.
Steti à senta à Dominique Bucchini.
Sur le même sujet
