Pourvoi en cassation de la CGT contre le STC : les élections dans les TPE reportées
(A redazzioni d'Alta Frequenza) - L'alizzioni prufiziunali inde l'intrapresi i più chjuchi rinviati à u nivellu naziunali ! Hè a ministra di u Travaghju, Myriam El Khomri chì l'annunzia ssu ghjovi in un cumunicatu. In fatti, u novu ricorsu in cassazioni di a CGT, chì ùn accetta micca soca u sicondu ghjudicamentu di u tribunali d'istanza di Parighji à prò di u STC, t'avarà di sicuru cunsiquenzi nant'à u calendariu di l'alizzioni privista prima da u 28 di nuvembri fin'è u 12 di dicembri. A ministra priciseghja chì u prucedimentu eletturali pudarà essa ingaghjatu solu dopu à l'arrigulamentu difinitivu di ss'affari da a Corti di cassazioni, ciò chì pò pighjà parechji simani. A CGT, sola à cuntinuà a lotta ghjuridica, postu chì a CFDT, FO è a CFTC rinunciani à andà più luntanu in a prucedura, dumanda a ramintemi l'annulazioni di a candidatura di u STC, par via, d'appressu à ella, chì u Sindicatu di i Travaghjadori Corsi "porta un'azzioni pulitica specifica", ch'ellu batti à prò "d'una discriminazioni arrimbata à l'urighjini regiunali trà l'impiegati", è chì u STC, di quali "l'ughjettu ùn hè micca licitu, ùn empii micca i criterii d'indipindenza è di rispettu di i valori republicani". Pà Etienne Santucci pà u STC di Corsica Suttana, u scopu di a CGT hè chjaru à traversu ssa dimarchja quì : fà spariscia u sindicatu naziunalistu.
Steti à senta à Etienne Santucci.
Sur le même sujet
