Personnes âgées, handicapées ou en perte d'autonomie : un nouvel outil pour la Corse-du-Sud
(A redazzioni d'Alta Frequenza) - A Cunfarenza di i finanziadori, o comu agiscia di manera torna di più efficaci par aiutà i parsoni anziani, quilli chì soffrini di un handicap o in perdita d'autunumia pà a Corsica Suttana. Hè u scopu di ss'arnesi novu di mutualisazioni, chì adunisci i stituzioni principali (cascia d'assicuranza malatia, ARS...) in carica di ssu prublema, cù com'è struttura maestra u Dipartimentu pumuntincu. Ss'ultimu hè in fatti in cori à u dispusitivu, è brama di migliurà torna i servizi resi à i pupulazioni. U mantenimentu in casa ferma a priurità, ancu s'è u sviluppu di l'EPHAD ùn hè micca abbandunatu. Pà u presidenti di u Cunsighju Dipartimintali suttanacciu, a nascita di a Cullittività Unica devi dinò fà l'ughjettu di una riflessioni inghjiru à a salvezza di l'impieghi liati à u suciali è dinò à u mantenimentu di u serviziu.
Steti à senta à Pierre Jean Luciani, u presidenti di u Cunsighju Dipartimintali di Corsica Suttana.
