PEI en Corse : ni un succès, ni un échec selon la Cour des Comptes qui dresse un bilan mitigé
Ghjovi, a Corti di i Conti hà publicatu u so raportu à nantu à a missa in anda di u PEI. À senta la, ùn ci hè nè riescita, nè fiascu.
Par ciò chì tocca à u pusitivu, in i 700 uparazioni finanzati cù 2 miliardi d’auri, ci sò i 835 miliona pà i stradi è i trasporti, è i 467 miliona pà l’acqua è l’assanamentu. Quissi ani avutu un effettu pusitivu pà l’ecunumia.
D’altri punti, inveci, sò nigativi : U PEI hà avutu pocu effettu à liveddu di u trattamentu di i rumenzuli, cù à pena 31 miliona invistiti è una situazioni ch’ùn faci chè pighjurà.
Hè statu ancu indittata a mancanza d’indicatori quantitativi è qualitativi pà i prughjetti avviati.
A Corti di i Conti, chì di regula pulitica ùn ni faci, hà indittatu trè dirizzioni pà un middurà, da piddà in contu in lu quadru di u PTIC : a criazioni d’un rifirinziali cumunu à u statu è i cullittività, una guvirnanza partinariali da co-gistiscia i prughjetti, è una misura di l’efficenza di issi prughjetti.
Steti à senta à Pierre Moscovici, u prisidenti di a Corti di i Conti.
