Participation : la Corse à contre-courant de la France continentale
(A redazzioni d'Alta Frequenza) - Si sapia chì à i corsi li piaciani a pulitica è u dibattitu, è a dimostrani torna una volta cù l'alizzioni municipali 2014. À u nivellu naziunali, truvemi deci cumuni corsi ind'i trenta cumuni francesi di più di 1000 abitanti chì ani cunnisciutu u sciffru di participazioni u più altu. I cumuni isulani chì si sò mubilizati u più à u primu ghjiru, u 23 di marzu, erini Oletta, Lecci, Peri, Prubià, Viscuvatu, Lumiu, Afa, Sartè, Linguizzetta è Figari. Ma i cumuni maiò,com'è Bastia, Aiacciu è Purtivechju sò dinò elli sopra à a media naziunali, ciò chì mostra chì l'alizzioni municipali appassiuneghjani i Corsi. Ss'ultimi si mubilizeghjani di più cà duranti l'alizzioni naziunali, com'è i prisidinziali, chì eppuru sò quilli chì t'ani u più successu ind'è l'alittori à u pianu naziunali. Quì dinò, i Corsica sò annant'à un versu cuntrariu di pettu à i tradizioni naziunali in materia pulitica. A participazioni stasera duvaria dimustrà ssa tindenza torna una volta.
Sur le même sujet
