Padduc : le sentiment d'Aline Castellani
(A redazzioni d'Alta Frequenza) - U Padduc! Sarà l'ughjettu di a riunioni di l'Assemblea di Corsica chì hà da cunsacrà ssu ghjovi sanu à l'asamini di ssu cartulari impurtanti. Ramintemi chì u Padduc devi essa un quadru, un arnesi pà pudè lancià daveru un sviluppu di a Corsica; hè dunqua un ducumentu d'accunciamentu spaziali, d'urbanisimu, chì "dici i diritti di a tarra" è difinisci i mezi di a so missa in opara. Quandu si sà chì annant'à i 360 cumuni di Corsica, frà i quali 98 liturali, un terzu solu t'ani un ducumentu d'urbanisimu, si pò misurà tutta l'impurtanza di un prughjettu chì vularà gistiscia è urganizà tuttu què. Emi vistu ricullà duranti mesi è mesi eppo riunioni numarosi pà l'elaburazioni di u Padduc tutti i spiranzi di i merri pà ciò chì tocca un testu fundatori ma dinò i so inchietudini. Aline Castellani hè stata assai attiva in ssi dibattiti è hà dittu assai suventi, è ancu insistutu annant'à ciò ch'ella pensa di ssa quistioni essenziali.
Steti à senta à Aline Castellani, merri di Piana.
Sur le même sujet
