PADDUC : Femu a Corsica ne l'approuvera pas en sa forme actuelle
(A redazzioni d'Alta Frequenza) - È s’è u PADDUC era mudificatu ? A dumanda pò essa posta mentri chì ssu marti, Femu a Corsica hà lampatu una vera bomba dui ghjorni nanzi à l’asamini di u Schema d’Accunciamentu Tarrituriali è u votu di l’insemi di u PADDUC da l’Assemblea di Corsica. Par avà, è fora di una mansa d'amendamenti in dui ghjorni, Femu a Corsica dumandarà à u meghju di rimandà torna u votu, o ùn vutarà micca à prò à u peghju di i casi. In fatti, ch'ellu si trattessi di u metudu cù 3 000 paghjini di ducumenti ad asaminà in un tempu assai cortu, o di u fondu, tuttu porta u partitu à misfidassi. Ch'ellu si trattessi di a nuzioni di populu corsu, oramai scantata sicondu Femu a Corsica da i ducumenti essenziali di u PADDUC, di i più di 21 000 ettari micca prutetti scritti ind'u PADDUC com'è par asempiu a citadella di Corti, o ancu di l'impurtanza sprupusitata di i zoni chì poni cunnoscia mutazioni è chì pudarani essa sviluppevuli s'ellu c'hè u bisognu da quì à trenta anni, senza cuntà u cartulari di i ZNIEFF, l'incertezzi sò troppu numarosi in u ducumentu attuali pà pudè vutallu.
Steti à senta à Gilles Simeoni pà Femu a Corsica.
