Le Direct

Padduc et protection des espaces stratégiques agricoles : coup de gueule de Via Campagnola

(A redazzioni d'Alta Frequenza) - Tappa nova dicisiva pà u Padduc cù u lanciamentu arimani (luni) di l'inchiesta publica, chì durarà fin'è u 3 di lugliu in l'isula sana. Un ducumentu ch'ellu pò truvà u publicu duranti i permanenzi tinuti ind'i sfarenti merrii di Corsica : Aiacciu, Bastia, Purtivechju, Calvi, Corti, Sartè, Belgudè, Evisa, i Fulelli, Ghisonaccia, Livia è Luri. Tutti i citadini sò invitati dunqua à dà i so usservazioni è pruposti, scrivenduli ind'i rigistri ind'i lochi di permanenza par asempiu, o ancu pà mail o ancu cù una lettara. Pà ss'inchiesta publica, i corsi si devini mubilizà d'una manera impurtanti sicondu Via Campagnola, ma pà fà cunnoscia u so disaccordu cuncirnendu a virsioni nova di u Pianu d'accunciamentu è di sviluppu durevuli di a Corsica, vutata u mesi scorsu. In fatti, pà u sindicatu agriculu, u ducumentu hè statu cambiatu assai di pettu à u primu votu di l'eletti di l'assemblea di Corsica in fin d'annata 2014, par asempiu pà ciò chì tocca a prutezzioni di i spazii cù un putenziali agriculu forti, chì pudariani essa aparti oghji à l'urbanisazioni.

Steti à senta à Paul André Fluixa, pà Via Campagnola.