Opération de police rue Droite à Bastia ce vendredi soir
(A redazzioni d'Alta Frequenza) - Ghjustu dopu à 9 ori di sera ssu vennari, una vintina di pulizzeri hè intarvinuta in un palazzu di u carrughju Dirittu, in Bastia, certi di ssi pulizzeri erani assai armati d’altrondi. Un ghjuvanottu di una vintina d’anni hè statu accumpagnatu fin’è una vittura da parechji inchiestadori, una vittura chì hè stata filicata, u ghjuvanottu essendu purtatu dopu à u cumissariatu di Bastia par essaci intesu. U dispusitivu missu in ballu hè statu sminuitu in furia, mentri chì l’inchiestadori è a ghjustizia ùn ani micca cumunicatu par avà nant’à u sughjettu di ss’intarvinzioni chì saria stata rializata in u quadru di i dispusizioni liati à u statu d’urghjenza.
Sur le même sujet
