Office de Transports : le tribunal administratif suspend les primes de son directeur
« À a dumanda llu prifettu, u tribunali amministrativu di Bastia hà suspesu l’arrestu llu prisidenti llu Cunsigliu Esecutivu lla CdC, chì trattaia d’un’indennità retroattiva è d’una prima accizziunali, attribuiti à u dirittori ginirali di l’uffiziu lli trasporti » : eccu ciò ch’idda dici a prifittura via i so reti suciali.
Di marzu, Gilles Simeoni avia presu un arrestu, chì daghjia à u dirittori ginirali di l’uffiziu lli trasporti una prima accizziunali di 1500 € netti à mesi, da u 1 di marzu llu 2021 à u 31 di dicembri llu 2022. L’arrestu cuncidia in più di quissa, à a stessa parsona, un’indennità à stagliu di 21 000 €.
Issu ducumentu, u prifettu pascal lelarge l’avia cuntistatu, dindu ch’iss’arrestu attribuia ritribuzioni sprupusitati, senza mudifichi micca lli missioni è rispunsabilità ».
U tribunali amministrativu di Bastia hà dunqua datu raghjoni à u riprisintenti llu statu francesu, suspindindu iss’arrestu.
Sur le même sujet
