Nuit de l'Orientation : coup de projecteur sur l'industrie hôtelière
(A redazzioni d’Alta Frequenza) - A prima Notti di l’Urientazioni s’hè tinuta com’è privista vennari scorsu à u Palazzu di i Cungressi d’Aiacciu, da 5 ori à 9 ori. À l’iniziativa di a Camara di Cumerciu è d’Industria di Corsica Suttana, è in cullaburazioni cù numarosi partenarii, issa manifestazioni t’avia pà scopu d’aduniscia ind’un stessu locu tutti l’attori di u mondu di l’urientazioni educativa è prufessiunali. U scopu ricircatu era ben intesa di favuriscia l’avvicinamentu trà i ghjovani è l’intrapresa à traversu tutti i prublematichi, è sò numarosi, di l’urientazioni sculari, universitaria è prufessiunali. Parechji tippi di mistieri erani prisenti à u Palazzu di i Cungressi d'Aiacciu, numarosi prufessiunali ghjunti à parlà di a so filiera. À mezu à tutti, Gérard Jodinot, di l'Unioni di i Mistieri di l'Industria di l'Alberghi. Una filiera purtatrici d'impiechi chì soffri malgradu tuttu di una gattiva maghjina da u cantu di i ghjovani, frà altru in Corsica, trà scoli pocu impiuti è numarosi posti bioti o à buscà si.
Explications de Gérard Jodinot
Sur le même sujet
