Nouvelle délibération de l'Assemblée de Corse sur les arrêtés Miot : engagement ferme de Jean-Jacques Panunzi
(A redazzioni d'Alta Frequenza) - L’Assemblea di Corsica hà dunqua aduttatu arisera (ghjovi), dopu à un novu dibattitu nant’à l’arresti Miot una nova deliberazioni sottu à a forma di una chjama sulenna à u guvernu. Di pettu à a gravità di a situazioni, i 51 cunsighjeri dumandani à essa ricivuti à lestra da u primu ministru ; dumandani a missa in ballu in furia di una misura cunservatoria. Nant’à u fondu, volini a missa in opara di un regimi fiscali specificu di i mutazioni di gratisi adattatu chì s’arremba frà altru nant’à a cuntribuzioni di i grossi patrimonii, parmittendu à a Corsica di lià ghjustizia fiscali è ghjustizia suciali, prutezzioni di u patrimoniu fundariu è immubiliari, è sviluppu ecunomicu. L'infrasata hè difficiuli à dì ma hè ancu di più impurtanti di leghja la bè. In fatti, ogni parolla hè stata assai riflittuta, analizata, dibattuta, pà uttena l’accunsentu di tutti, ciò chì hà duratu una bella parti d’eri dopu meziornu. Trè mudificazioni erani in dibattitu in fatti, è erani mudifichi chì duviani urientà di manera significativa u testu. U primu ghjunghjia da u gruppu cumunistu è front de gauche. A rifarenza nant’à a cuntribuzioni di i grossi patrimonii hà suddisfatu assai u gruppu, ciò chì hà fattu dì à Camille de Rocca Serra chì si trattava di un votu « ghjinirosu ». È issa ghjinirosità quì cunvinia tutalmenti à Michel Stefani. Unanimità tutali inde l’Assemblea di Corsica ma dinò un impegnu forti di u dipartimentu di Corsica Suttana ; hè ciò ch’ellu ci dici u so presidenti Jean Jacques Panunzi.
Écoutons-le.
Sur le même sujet
