Municipales à Bastia : Pierre Savelli conserve son fauteuil de maire
Era a piazza forsa a più luttata, pà issu sicondu ghjiru lli municipali in Cismonti. Cù una participazioni in bedda crescita, ani fattu a so scelta i Bastiacci.
Dopu à una campagna vispina è rabbiosa, a lista « Bastia più forte inseme » di Pierre Savelli vinci cù 50,6 % di i voti.
È ùn era fatta issa vittoria, chì u merri ùn avia a pupularità di u so culisitieri Gilles Simeoni, chì si hè impignatu monda pà issu sicondu ghjiru. Ma issa vittoria, soca chì l’altri naziunalisti ci ani cuntribuitu ancu iddi, cù issa vulintà, malgradu i so diffarenzi, d’ùn veda affaccà in mirria un’unioni vitturiosa di l’uppusizioni.
Steti à senta à Pierre Savelli.
Sicondu di l’alizzioni, Jean-Sébastien de Casalta faci 39,2 % di i voti. Cunvinti d’avè a suluzioni par lampà fora à Pierre Savelli, Jean-Sébastien de Casalta, Jean Zuccarelli è Jean-Martin Mondoloni, ch’erani davanti à u primu ghjiru, ùn ani sappiutu cunverta issa pusizioni in vittoria.
In u so fiascu, soca chì a mancanza lli cumunisti c’entri par calcosa, ma forsa ancu chì certi alittori, chì aviani sceltu unu d’issi candidati à u primu ghjiru, ùn ani vulsutu dà fiatu à iss’unioni bambia.
Steti à senta à Jean-Sébastien de Casalta.
Steti à senta à Jean-Martin Mondoloni.
Steti à senta à Jean Zuccarelli.
Cù 10,2% lli voti, Julien Morganti, u terzu è ultimu lla vaddulata, si vinci sei anni di prisenza in l’uppusizioni, cù una certa libartà. Soca ni prufittarà pà l’alizzioni à vena.
