Municipales 2014 à Bastia : Jean-Louis Milani affûte ses armes
(A redazzioni d'Alta Frequenza) - Ssu marti, Xavier Bertrand, anzianu ministru di a Saluta, diputatu di l'Aisne è parsunalità impurtanti di l'UMP hè ghjuntu in Bastia pà sustena u candidatu à i municipali sceltu da l'UMP di Corsica Suprana, Jean Louis Milani. Ed hè una vera curiosità di custatà chì ind'una campagna duva Jean Zuccarelli, Gilles Simeoni è François Tatti multiplicheghjani i presi di parolli "aciarbi" l'uni contr'à l'altri, Jean Louis Milani, par avà, ùn hè tantu toccuda l'attacchi di i so avversarii, è què malgradu a so appartinenza à l'UMP è u fattu ch'ellu sighi bè impiantatu à u nivellu lucali. U candidatu ufficiali di a diritta in Bastia, si faci u paragonu cù u ghjovanu dissidenti Sylvain Fanti, prisintarà da quì à calchì ghjornu u so prugrammu di manera più larga. L'uccasioni di vultà cù Jean Louis Milani annant'à u sustegnu arricatu da Xavier Bertrand, nant'à u cumpurtamentu di l'altri challengers i più serii pà contu soiu, ma dinò nant'à u cartulari di u portu di a Carbonite, chì faci nascia dipoi parechji sittimani a pulemica trà candidati.
Steti à senta à Jean Louis Milani.
