Mission Locale d'Ajaccio : premier bilan positif pour le dispositif La Garantie Jeune
(A redazzioni d'Alta Frequenza) - Prima bilanciu propiu pusitivu pà u dispusitivu "La Garantie Jeune" cù a Missioni Lucali d'Aiacciu. Ramintemi ch'ellu si tratta d'un dispusitivu di u guvernu pà i ghjovani trà 16 è 25 anni senza travaghju, nè in furmazioni, nè in studii. Un accumpagnamentu intensu pà un annu cumplettu, da fà chì ssi ghjovani, chì signani un cuntrattu d'ingaghjamentu cù a Missioni Lucali di u so tarritoriu, pudissini ghjunghji in furia à essa autonomi è avè un impiegu. Quissi quì t'ani a pussibilità di multiplicà i tempi d'impiegu o di furmazioni, eppo d'avè un'allucazioni in appoghju di ss'accumpagnamentu. In u 2016, 52 ghjovani ani apprufittatu di ssu dispusitivu in a Cità impiriali, cù immersioni in intrapresa, intrati in furmazioni è cuntratti di travaghju buscati. Un bilanciu chì rendi u diputatu è merri di a cità assai cuntentu.
Steti à senta à Laurent Marcangeli.
Sur le même sujet
