Maritime: e la nave va...
(A redazzioni d'Alta Frequenza) - 35 millioni d'auri à l'annu duranti deci anni! Sarà u costu in più pagatu da a Cullettività di Corsica, vali à dì voi è noi, pà a nova dilegazioni di serviziu publicu marittimu. A nostra isula ùn ammaistrarà micca di modu pienu è sanu di più in u 2013 cà in u 1913 i SO trasporti maritimi parchì devini essa presi in cunsiderazioni torna è sempri dati suciali è ecunomichi chì ùn ani nulla à chì veda cù i so intaressi stessi. Torna è sempri i novi accordi lacarani u gustu amaru di calcosa di micca compiu, di mezi misuri, di palliativu, com'è s'è u sistema tutali è difinitivu firmava sempri à invintà. Duranti deci anni à u minimu, assai acqua passarà sottu à i ferry chì vogani in Mediterraniu pà andà è parta da a Corsica è a cumpagnia righjunali, eppuru ammintata un certu tempu, tinarà u so statutu di sirena o d'arlesiana. Cù u calmu chì u caratterizeghja di regula, Pierre Mattei, u direttori ghjinirali di a Corsica Ferries voli dì forti ciò ch'ellu ni pensa di ssa situazioni quì.
Écoutez-le.
