Maintien du statut de DPS : Nombreuses réactions de condamnation
Dopu à l’avvisu datu da a prighjoni cintrali di Poissy, chì dumanda u mantinimentu llu statutu di DPS pà Alain Ferrandi è Pierre Alessandri, i cundannazioni sò stati parichji.
À nantu à u so contu Twitter, u diputatu LREM Bruno Questel dici ch’iddu si trova trà « incapiscitura è collara ! A Corsica, hè un tuttu… Sò anni è anni chì i cumissioni lucali dumandani ch’iddu sichi cacciatu issu statutu, è oghji inveci a dicisioni hè cuntraria. A vindetta, ùn hè mai a strada bona ! ».
Femu a Corsica dici chì « quandì a prissioni prifitturali vali più chè i reguli llu drittu, venini disunurati a ghjustizia è u statu dimucraticu ch’iddu si pratendi difenda. A cumissioni, à prò di a fini d’issu statutu di DPS sinu ad avali, hà ubiditu senz’altru – è hè unu scandalu – à l’ordini lla ierarchia pulitica ».
Pà u PNC, « ùn si pò chè custatà, à calchì sittimana di l’alizzioni prisidinziali francesa, chì suluzioni pà l’appacera ùn si ni vidi affaccà. Com’è iddu l’hà fatta aghjà issi pochi ori, u PNC ni chjama à una riazzioni è à l’urganisazioni, senza altru, d’una risposta pulitica à a misura lla situazioni ».
Par « Fà Populu Insemi » - a maiurità tarrituriali - « a francia ùn pò micca cuntinuvà à nigà u drittu ! Torna una malfatta di u statu di pettu à i corsi chì dumandani ghjustizia. Avà basta a vindetta ! ».
Sur le même sujet
