Macron invité à l'assemblée de Corse : le dialogue doit obligatoirement avoir lieu selon Jean-Guy Talamoni
(A ridazzioni d'Alta Frequenza) - A Maiurità Tarrituriali lampa una chjama sulenna à emmanuel macron ! U Prisidenti di l’Assemblea di Corsica, quiddu di l’Esecutivu è i prisidenti lli gruppi di a maiurità invitani u prisidenti lla ripublica francesa à vena à discorra, ghjovi u 4 d’aprili, di matinata, à a Cullittività di Corsica, cù a riprisintazioni eletta lla Corsica, in a diversità lla so sprissioni ». A Maiurità pidda nota di a dichjarazioni d’emmanuel macron d’issu 2 d’aprili, chì ni chjamaia à un « dialugu storicu », è dici dunqua ch’idda t’hà a vulintà « ferma d’avvià lu ». A Maiurità manteni dinò a so chjama à a mubilisazioni pupulara pà l’uparazioni « Isula Morta ». Jean-Guy Talamoni, u Prisidenti di l’Assemblea di Corsica, ni chjama dinò à issu gestu simbolicu. Ma ùn sarà pussibuli di cuntintà si di u solu simbulu, da ghjunghja ni à una vera discussioni à u sughjettu lli timatichi purtati da una maiurità di Corsi. Par iddu, issu scambiu trà Corsica è francia si devi fà à tutti patti, chì cusì viaghja a Storia. È sè macron ricusa oghji iss’invitazioni, dici u Prisidenti Talamoni, ni piddaremu nota. Ma in ugni casu, ci vurrà ch’issi rivindicazioni sichini missi in discussioni cù parigi.
Steti à senta à Jean-Guy Talamoni
Sur le même sujet
