Loi NOTRe : réunion de cadrage de la commission des compétences législatives et réglementaires
(A redazzioni d'Alta Frequenza) - A cumissioni di i cumpetenzi legislativi è rigulamentarii s’hè adunita, vi n’avemi dighjà parlatu, vennari in Corti pà pudè asaminà i seguiti à dà à u votu, da l’assemblea naziunali, di a legi NOTRe. Ramintemi chì ssa legi hà intruduttu u famosu amendamentu pà a criazioni di una cullittività unica in Corsica. A cumissioni Chaubon hà travaghjatu in fin di sittimana scorsa annant’à u cuntinutu à dà oramai à ssa legi è pari sicura chì tutti i punti dighjà dicisi da l’assemblea di Corsica, i dui camari di i tarritorii, u numaru di cunsighjeri, a manera di vutà, sarani a parti maiò di ssu cuntinutu. Una riunioni d’urganisazioni chì intarveni à calchì ghjornu di un scontru impurtanti in Parighji, quandu una dilegazioni corsa farà senta torna una volta à Bernard Cazeneuve è à Marylise Lebranchu chì sò i dumandi pricisi è urghjenti di l’assemblea di Corsica. Si pò pinsà ch’ellu si trattarà di un « riassuntu » di ciò chì s’hè intesu à l’assemblea di Corsica à l’uccasioni, era calchì ghjornu fà, di a visita di ssi dui ministri.
Steti à senta à Pierre Chaubon, u presidenti di a Cumissioni di i Cumpetenzi Legislativi è Rigulamentarii di l’assemblea di Corsica.
Sur le même sujet
