Les socioprofessionnels corses regrettent le rendez-vous manqué avec le gouvernement
I imprisarii è cumircianti – chjamati i sucioprufiziunali – dicini ch’iddi rigretani ch’idda sichi stata attimpata, parvia di i viulenzi in i manifistazioni, a riunioni privista vennari in parigi par parlà di l’avvena lla Corsica.
« Dopu à a tristizia prufunda è à a collara lighjittima, pinsaiami chì a via d’un dialugu è d’un appacià l’avaria a so piazza, in a ricirca di suluzioni niguziati è adatti trà l’eletti lla Corsica, a sucità civili è u guvernu. L’affari ùn hè statu pussibuli, è à veru a rigritemu », dicini i sucioprufiziunali.
À senta li, i viulenzi è l’insulti – contru à Laurent Marcangeli, chì ricevi u so sustegnu – di u 3 d’aprili ani cumprumissu l’apartura llu dialugu cù u ministru di l’internu, privista in parigi vennari l’ottu d’aprili.
« Spiremu à veru chì l’affari ùn hè chè attimpatu, è ch’iddu ùn si tratta chivi di l’abandonu di i niguziati. Spiremu ch’in li sittimani à vena un altru appuntamentu ci sarà, da custruì perspettivi serii chì à veru ghjuvariani à a Corsica è à a so ecunumia, pà l’anni à vena », dicini cumircianti è imprisarii.
Sur le même sujet
