Le Direct

Législatives : Olivier Josué porte-voix de Lutte Ouvrière dans la première circonscription de Haute-Corse

Contani è bè, l’alizzioni lighjislativi, pà u finanzamentu lli partiti pulitichi. Quiddi chì francani 1 % à nantu à 50 circuscrizzioni à u minimu, si buscani 1€65 à l’annu pà ugni votu.
Ed hè par quissa chì « Lutte Ouvrière » hè d’issi muvimenta chì prisentani candidati à nantu à tuttu u tarritoriu, da assicurà una bedda parti llu so finanzamentu. Com’è ad ugni volta, quattru candidati di u partitu di strema manca sò mandati in Corsica.
Trà quissi, hè Olivier Josué chì si prisenta in a prima circuscrizzioni llu Cismonti. U militanti, chì campa in Marseglia – a prima cità corsa com’iddu dici – hè dighjà statu candidatu in Corsica.
U so prugrama hè quiddu ch’idda difindia Nathalie Arthaud à l’alizzioni prisidinziali : fà cuddà u SMIC à 2000€  è lampà u capitalismu.
Steti à senta à Olivier Josué.