Législatives : le soutien du Front de Gauche à Jean Zuccarelli
(A redazzioni d'Alta Frequenza) - Stamani (marcuri), duranti una cunfarenza di stampa, Michel Stefani, chì avia fattu 7% à u primu ghjiru di i legislativi, hà arricatu u so sustegnu è quillu di u Fronti di Manca ufficialmenti à Jean Zuccarelli. Quissu quì, prisenti, com'è Laurent Croce è Emmanuelle de Gentili pà u Partitu Sucialistu, hà dittu ch'ella era l'illustrazioni di una manca riunita è andendu di fronti. Hà dinò rifurmulatu i so chjami à l'alittori di manca, è aldilà di prugressu à raghjunghja a so candidatura. Una chjama nicissaria, parchì chì ancu cù i voti di u Fronti di Manca, ci vularà à andà à buscà quilli di a ghjenti à ùn avè micca vutatu da spirà a vittoria. Da u so cantu, Michel Stefani l'hà fatti falà nant'à u diputatu attuali, Sauveur Gandolfi-Scheit, dicendu chì u so bilanciu ùn pò riponi nant'à u fattu di "pruminà si cù u carnettu à scecchi di a riserva parlementaria".
