Le Direct

Législatives : entretien avec Paul Giacobbi, qui renonce à se présenter

(A redazzioni d'Alta Frequenza) - "Aghju dicisu d'ùn prisintammi micca à l'alizzioni legislativa chì veni". Ss'infrasata d'introitu veni à compia u mandatu parlementariu di Paul Giacobbi. Mentri una cunfarenza di stampa ssu ghjovi da mani in casa cumuna di Venacu, u diputatu di a siconda circuscrizzioni di Corsica Suprana hà dicisu dunqua d'ùn circà micca un mandatu novu. Ancu s'ella c'era sempri un'intarrugazioni dipoi parechji simani, si saria pussutu induvinà, mentri a cunfarenza di stampa scorsa di Paul Giacobbi didicata à u raportu di a Camara regiunali di i Conti, chì a so difesa divintaria a so priurità pà i mesi chì venini. Stamani dunqua, davanti a stampa, Paul Giacobbi hà fattu torna un bilanciu di a so azzioni pulitica di diputatu di a Corsica. U so rolu puliticu à u nivellu naziunali, a so azzioni à a direzzioni di a CTC duranti cinqui anni, hè vultatu cù una mansa di ditagli nant'à ss'annati scorsi. Tralascia malgradu tuttu è d'una manera difinitiva a so carriera pulitica ? Paul Giacobbi firmarà attivu, in tutti i casi à u nivellu lucali.

Steti à senta à Paul Giacobbi.