Législatives anticipées : A quelques minutes des résultats de second tour
Duminica, pà u sicondu ghjiru di l’alizzioni lighjislativi, 244 942 alittori di Corsica sò stati chjamati à dà u so votu.
I candidata erani ottu, vali à dì dui à ugni circuscrizzioni.
In trè d’issi circuscrizzioni, era prisenti un candidatu RN.
In a quarta, unu di i candidati era beddu sustinutu da u partitu di strema dritta.
In a prima llu Pumonti, Ariane Quarena, a candidata RN, avia duminica passata 167 voti di più chè u diputatu Laurent Marcangeli, chì purtaia i culori di « Horizon ».
In a siconda di u Pumonti, u diputatu Paul-André Colombani (PNC-LIOT) avia 3 354 voti di ritardu à nantu à François Filoni, u candidatu di u RN.
In a prima circuscrizzioni di u Cismonti, u diputatu Michel Castellani (Femu-Liot) avia 1 107 voti d’avanzu à nantu à Jean-Michel Marchal, u candidatu RN.
In a siconda di u Cismonti infini, François-Xavier Ceccoli, candidatu di dritta ma mossu senza bandera è chì hà accittatu u sustegnu di u RN - chì hà ritiratu a so candidata ghjunta prima duminica - t’hà 2 402 voti d’avanzu à nantu à u diputatu Jean-Félix Acquaviva (Femu-LIOT).
I scagni alitturali sò chjusi oramai, u sfogliu si faci è da quì à pocu, si duvariani cunnoscia i primi stimazioni è risultati.
Sur le même sujet
