Le Tribunal Administratif annule les élections des représentants du personnel au Comité Social Territorial (CST) de la collectivité de Corse
U tribunali amministrativu di Bastia hà fattu annullazioni di l’alizzioni di l’ottu di dicembri llu 2022 pà a scelta lli riprisintenti llu parsunali à u cumitatu suciali tarrituriali di a Cullittività di Corsica.
Cusì, u TA hà datu raghjoni à a CFE-CGC (SNT) è à a CFDT.
U tribunali hà custatatu chì 451 vota par currispundenza mancaiani mentri u sfogliu.
« U rilivatu di a posta conta 2 006 inviluppi rimissi, ma sò stati cuntati 1 555 voti par currispundenza mentri u sfogliu lli vota… Dopu cunsidaratu chì issi vota in più pudariani mudificà a spartera di i sedii trà i sfarenti urganisazioni sindicali, u tribunali pensa ch’iss’irrigularità, ancu puri ch’idda ùn dica una froda, hà toccu a sincerità llu scrutinu », dici u tribunali amministrativu, chì dà ordini à a Cullittività di Corsica di pruceda, in i sei mesa à vena, à alizzioni novi.
