Le Guide Michelin vient de dévoiler la liste des cinq restaurants étoilés de Corse
(A ridazzioni d'Alta Frequenza) - U « Guide Michelin » hà publicatu a lista di i risturanti chì s’ani buscu calchì stedda. Par tanti stabbilimenta, in francia ma ancu in Corsica, hè un mumentu impurtanti à veru, ancu s’iddi sò pochi à essa cuncirnati o primiati ind’è no’. Hè u « Casa del Mar » di Portivechju ch’hè in punta lla classifica isulana, cù dui steddi. D’altri stabbilimenta – è hè dighjà un affaronu – si coddini una stedda : u Lidò, in Prupià, la Table de la Ferme, in Murtuli, u Santa Marina in Portivechju è a Signuria in Calvi. Faci ch’iddi sò cinqui, in fin’ di contu, i risturanti stiddati in Corsica. Sò dui di menu chè annu, chì si n’era cuntatu setti.
