Le déconfinement devra se faire avec les maires selon E. Macron : Laurent Marcangeli précise ses demandes
Issu ghjovi, u prisidenti lla ripublica francesa hà fattu una visiocunfarenza cù i merra di francia è i riprisintenti d’associ d’eletti.
Hà dittu, emmanuel macron, chì u scunfinamentu si faria arrimbendu si à l’avvisu di i merra. U quadru naziunali piddarà issa via chivi da adattà si casu mai. L’affari ùn si farà cù i righjoni chì, à senta u prisidenti francesu, ùn currispondini à i rialità lli tarritoria. L’almanaccu di u scunfinamentu duvaria essa cumunicatu in principiu di sittimana ch’entri, un pianu più pricisu issendu prisintatu in principiu di maghju.
Pà a riintruta lli scoli - chì u ministru di l’aducazioni avia privistu d’attaccà la l’undici di maghju – emmanuel macron hà dittu ch’idda s’arrimbaria à u vuluntariatu di i parenti, è senza ublicu.
À liveddu lucali, Laurent Marcangeli, chì era d’issa riunioni, hà pricisatu a so pusizioni. Aiacciu issendu da u principiu un nidu llu siscu, u so merri hà dumandatu ch’idda sichi attimpata a riintruta in i scoli di a cità è di a CAPA.
Da quì à a sittimana ch’entri, duvaria avè una risposta. Laurent Marcangeli si hè quistiunatu dinò par ciò cì tocca à u turismu, inchietu da a capacità ch’iddu t’avaria u so tarritoriu à accodda i statinanti. Par iddu, ci hè un veru piriculu, è ci voli à sfrancà si ni. Eppuri, ci hà da vulè à essa à fiancu à i impresi, da aiutà li à escia da issa crisa.
Stemu à senta à Laurent Marcangeli.
Sur le même sujet
