Le conseil national de l'ordre des médecins autorise Jérôme Cahuzac à exercer en Corse
(A ridazzioni d'Alta Frequenza) - A infurmazioni l’hà data u situ Egora, spicializatu in l’attualità midicali : u cunsigliu naziunali di l’ordini lli medichi hà datu à Jérôme Cahuzac u drittu di stallà si da duttori in Corsica. À l’anzianu ministru, chì si ni stà oramai in Bonifaziu, li tuccarà quantunca à purtà un bracciulettu elettronicu.
Era aghjà calchì tempu chì Jérôme Cahuzac avia dittu ch’iddu si vulia stallà da medicu in Corsica.
U Cunsigliu Righjunali di l’Ordini in Corsica avia accittatu, ma a lagnanza d’un duttori pariginu avia suspesu issa dicisioni.
Tandu, Jérôme Cahuzac avia rinunciatu à a midicina. Fatta fini, à senta à Egora, u Cunsigliu Naziunali hà cunsidaratu ch’iddu pudia praticà a so arti.
Ma ùn si sà sè l’anzianu ministru n’hà sempri a vodda.
