Le Barreau d'Ajaccio a rendu hommage à Antoine Sollacaro
(A redazzioni d'Alta Frequenza) - Un annu dopu à l'assassiniu in Aiacciu d'Antoine Sollacaro, anzianu raprisintanti di l'Ordini di l'avucati, l'Ordini d'Aiacciu hà dicisu di renda li un umaghju oghji (marcuri), ghjornu anniversariu di a so morti, davanti à u Palazzu di Ghjustizia in fin di matinata. I Magistrati è i parsunali di Greffe di tutti i ghjuridizzioni cuncirnendu u Tribunali di Grandi Istanza d'Aiacciu, ma ancu a famighja è l'amichi d'Antoine Sollacaro ani participatu à ssa manifestazioni. Ci hè stata una minuta di silenziu duranti ssu mumentu di mimoria. Nanzi à què, u raprisintanti attuali di l'Ordini d'Aiacciu, Marc Maroselli hà fattu un discorsu. Rindendu un umaghju putenti, quissu quì hà vulsutu rammintà i qualità prufiziunali è umani d'Antoine Sollacaro. Marc Maroselli hà vulsutu dinò fà passà un missaghju à nomu di tuttu un mistieru, chì voli firmà arrittu più cà mai.
Steti à senta u raprisintanti di l'Ordini di l'avucati d'Aiacciu.
Sur le même sujet
