La SNCM doit rembourser 440 millions d'euros à la France, assignée par Bruxelles
(A redazzioni d'Alta Frequenza) - A SNCM ùn avia micca bisognu di què, eppuru a cumissioni aurupea l'hà ufficializatu ssu marcuri, a cumpagnia ùn devi più 220 millioni d'auri à u Statu francesi, purtatu davanti à a corti aurupea di ghjustizia par ùn avè micca ripresu ssi soldi dopu à u ghjudiziu resu di maghju scorsu, ma u doppiu, 440 millioni d'auri. Currispondi pà a mità à l'aiuti publichi virsati da u 2007 à u 2013 da a Cullettività Tarrituriali di Corsica à a cumpagnia, aiuti micca legali d'appressu a cumissioni, è currispondi pà l'altra mità, ed hè a nuvità di u ghjornu, à aiuti pà a privatisazioni virsati in u 2006 nant'à a basa di un pianu di ristrutturazioni, chì, sicondu a Cumissioni, "ùn parmittia micca à a SNCM di ristabiliscia a so viabilità à longu andà senza passà pà novi aiuti publichi". Un gattivissima nutizia pà a cumpagnia, dighjà nant'à u filu à u nivellu finanziariu, è chì hà da essa cunfruntata à rimbursà una debbita sprupusitata, è pari chì nisun azziunariu pò pighjà oghji in carica un affari simuli.
