La requête d'Yvan Colonna devant la Cour Européenne des Droits de l'Homme déclarée recevable
(A redazzioni d'Alta Frequenza) - L'avucatu d'Yvan Colonna, Patrice Spinosi, hà annunziatu ssu ghjovi in un cumunicatu chì a dumanda posta da u so clienti davanti a Corti Aurupea di i Diritti di l'Omu dopu essa statu cundannatu à stà in prighjoni à perpetuità pà l'assassiniu di u prifettu Claude Erignac in u 1998 hè stata dichjarata com'è accittevuli. Una dicisioni chì faci sapè chì l'affari poni, sicondu a ghjuridizzioni di u Cunsighju di l'Auropa, prublemi di dirittu chì meritani d'essa asaminati annant'à u fondu. Sicondu Patrice Spinosi, un arrestu ùn duvaria micca essa resu nanzi à u 2017. S'è a Francia duvia essa cundannata par ùn avè micca rispittatu u dirittu à un prucessu ghjustu, l'avucatu d'Yvan Colonna pudaria dumandà l'urganisazioni di un prucessu novu pà u so clienti.
