La Prépa Supdesign prépare sa deuxième année
Pà a siconda annata di fila, a scola priparatoria aiaccina « Sup’Design », chì appronta i so elevi pà i cuncursi d’intruta à i gran’ scoli di u design, apri i so scrizzioni.
A silizzioni d’iss’elevi, d’issi studianti, ùn si faci via Parcoursup, ma dopu à una discursata cù a dirizzioni lla scola.
I dirighjenti d’issa struttura, ghjustamenti, s’arrembani à dui punti maestri da scedda i so elevi : avè u so baccu, è avè una bedda mutivazioni.
« Sup’Design » hà liatu cullaburazioni cù parichji scoli impurtanti di design, è cusì, porghji à i so studianti una qualità alta d’imparera, ma dinò una reti rilaziunali di prima trinca.
Steti à senta i spiicazioni di Marina Martelli, a dirittrici di Sup’Design.
