La métropolisation d'Ajaccio, et celle de Bastia, s'invite à la Communauté d'Agglomération de Bastia
Luni, a metropula di u bisbigliu si hè invitata in i dibattiti di a cumunità d’agglumirazioni bastiaccia. Gérald Darmanin, u ministru francesu di l’internu, hà ripitutu a vulintà di u guvernu di metropulizà à Aiacciu.
Avarani intaressu, Bastia è a so agglumirazioni, à dumandà u stessu affari ? Risposti à issa chistioni ci n’hè statu parichji, certi firmendu si à mità. A maiurità cumunitaria hà vutatu una risuluzioni.
L’uppusizioni bastiaccia, via Jean Zuccarelli, Hélène Salge è Julien Morganti, si hè astinuta. Dici issa risuluzioni ch’idda tuccarà à a Corsica, ghjunta ch’idda sarà l’autunumia, di dicida di a pussibilità di metrupulisazioni. È à issa riflissioni, ci vurria à assucià ci tutti i cumunità di cumuni.
À Louis Pozzo di Borgo, li pari ch’iddu circhi, u guvernu, à piacia à a dritta aiaccina, chì hè di più in cunfurmità cù u so filu puliticu.
Steti à senta à Louis Pozzo di Borgo, u prisidenti di a CAB.
In a maiurità cumunitaria, hè Emmanuelle de Gentili chì hà marcatu u più a so uppusizioni chjara è netta à ugni metropula in Corsica.
À senta la, a metrupulisazioni d’Aiacciu, è par casu, quidda di Bastia, viutariani l’autunumia in prughjettu d’ugni sustanza. Dici ch’idd’ùn ci voli ch’idda sichi spussessa, a Cullittività di Corsica, di i dui principali poli ecunomichi di l’isula, chì tandu ci saria u risicu di veda affaccà parichji difficultà.
Steti à senta à Emmanuelle de Gentili.
Par Julien Morganti, inveci, u colpu hè à tuttu o nienti : sichi metropuli ùn si ni faci, sichi si ni faci una in Aiacciu è una in Bastia.
L’uppunenti bastiacciu hè di quiddi chì difendini di manera accanita a metrupulisazioni di i dui cumuni, dindu chì quantunca, a Cullittività di Corsica firmaria quidda più maiori di iss’insemi novu. À senta lu, a maiurità cumunitaria hà mancatu l’uccasioni, lampendu si troppu tardi in un dibattitu attaccatu chì sò sei mesa, è vutendu una risuluzioni à pena tipidogna.
Steti à senta à Julien Morganti.
