La forêt publique corse trop longtemps privilégiée par rapport à la forêt privée ?
(A redazzioni d'Alta Frequenza) - L'Assemblea di Corsica hà vutatu di vaghjimu scorsu l'urientazioni strategichi pà a filiera legnu. Hè vera chì 98% di l'impurtazioni di legnu nant'à l'isula custituiscini una vera anumalia, mentri chì a Corsica t'hà una mansa di risorzi à sfruttà. L'ODARC è l'ADEC ani francatu un passu novu, lancendu una chjama à prughjetti pà fà mova torna ssa filiera. Un bughjettu cunsiquenti sarà didicatu, postu chì trè millioni è mezu d'auri d'aiuti sarani attribuiti à l'intrapresi, ciò chì pudaria inghjinnà più di 7 millioni d'auri di prughjetti. Una situazioni chì intarveni in un cuntestu particulari, mentri chì l'interprufeziunali cunnosci certi evenimenti. Una parti di quissa quì in fatti si n'hè andata da u gruppamentu di i prufiziunali. À u listessu tempu, u CRPF hà rinnuvatu pocu fà i so istanzi. Stima chì u settori di a furesta corsa hè statu tralasciatu duranti un tempu troppu longu. U sindicatu di i pruprietarii furestieri stima chì i rispunsevuli pulitichi devini senta oghji chì a furesta, è a furesta privata soprattuttu postu ch'ella hè maghjuritaria, hè unu di i puntelli maiò di u sviluppu di l'internu. S'hè presu solu in cunsiderazioni duranti tant'anni u sviluppu di a furesta publica ?
Steti à senta à Daniel Luccioni, u presidenti di u Centru Regiunali di a Pruprietà Furestiera.
Sur le même sujet
