La famille d'Yvan Colonna intente une action en responsabilité contre l'Etat devant le tribunal administratif de Marseille
A famidda d’Yvan Colonna (i so fiddoli, a so sposa, i so parenti, u so frateddu è a so suredda) ani spostu à u tribunali amministrativu di Marseglia un’azzioni in rispunsabilità contru à u statu francesu.
Cunsidarighjani chì l’amministrazioni pinitinziaria hè ghjuridicamenti rispunsevuli di a so morti. I diversi elementi lla inchiesta mintuvati da a stampa è l’audizioni parlamintarii ani rinfurzatu issu sintimu di suspettu, chì porta à pinsà chì l’agrissioni d’Yvan Colonna hè liata dirittamenti à una siria di disfunziunamenti amministrativi.
Un tribunali indipindenti è imparziali devi oramai ghjudicà a leia trà l’inazzioni di u statu francesu è a morti d’Yvan Colonna. L’articulu 44 di a legi llu 24 di nuvembri llu 2009 dici chì « l’amministrazioni pinitinziaria devi assicurà à ugni parsona imprighjunata a prutizzioni effettiva lla so integrità fisica in ugni locu, ch’iddu sichi cullittivu o individuali ».
U statu hè tinutu d’indannizà a famidda d’un prighjuneri mortu parvia di i viulenzi fatti in unu stabilimentu pinitinziariu da un altru prighjuneri. À u tribunali amministrativu, li tuccarà à prununcià si da quì à a fin’di l’annu, par ciò chì tocca à issa dumanda.
Altru un cumentu d’iss’azzioni ùn ci sarà.
