La DSP maritime remise en cause par la Corsica Ferries et la Commission Européenne
(A redazzioni d'Alta Frequenza) - A Dilegazioni di Serviziu Publicu marittimu trà a Corsica è Marseghja, vutata di sittembri da l'assemblea di Corsica, hè rimissa in causa da una prucedura di a Corsica Ferries è di a Cumissioni Aurupea. A cumpagnia à battelli gialli hà intruduttu in fatti un ricorsu davanti u Tribunali Amministrativu di Bastia calchì ghjornu fà, purtendu dunqua nant'à a DSP attribuita à u gruppu SNCM-CMN. A Corsica Ferries stima di fattu chì a chjama à l'ufferti cuncirnendu l'adunita di i ligni duvia essa stata fatta ligna à ligna, u metudu impiecatu da l'Uffiziu di i Trasporti di a Corsica essendu pà contu soiu un "ostaculu à a so candidatura". I prescrizzioni di i reguli di a DSP ùn l'avariani micca parmissu di prupona, à u cuntrariu di u gruppu SNCM-CMN, un'ufferta glubali cumulendu i cinqui ligni marittimi (Aiacciu, Bastia, Prupià, Purtivechju, Balagna). Un avenimentu novu ind'u cartulari dighjà abbastanza pisivu di i trasporti in Corsica.
