La commune de Sisco abandonne son arrêté anti-burkini
(A redazzioni d'Alta Frequenza) - A cumuna di Siscu, u so cunsighju municipali in particulari, hà dicisu à l'unanimità d'abbandunà u so arristatu contr'à u burkini arisera (ghjovi). Una dicisioni chì intarveni un annu dopu i fatti chì aviani criatu a pulemica è calchì ghjornu solu dopu a validazioni da a corti amministrativa d'appellu di Marseghja di l'arristatu contr'à u burkini. Ss'arristatu ùn valarà micca pà a statina dunqua. Ange Pierre Vivoni, u merri di a cumuna, hà annunziatu ch'ellu vularà firmà attenti quantunqua. Hè par quissa chì un arristatu hè statu quantunqua appruntatu, s'ellu ci vulia à ghjuvassini. S'ella sbuccia qualsiasi inchietudini, u merri pudarà firmallu è appiegallu senza avè bisognu d'aduniscia torna u so cunsighju municipali.
