La CGPME Corsica attentive à la situation du côté de la SNCM
(A redazzioni d'Alta Frequenza) - Sfrancassi di una situazioni di crisa chì pudaria essa apparagunata à quilla di l'ultimu istati, eccu a brama di a CGPME Corsica mentri chì a CGT di a SNCM hà postu un preavisu di greva pà ghjovi è chì ssu marcuri, u tribunali di cummerciu di Marseghja devi sceglia un pruprietariu novu, o di ùn micca sceglia par avà o ancu di liquidà a cumpagnia. S'è pà a quistioni di a ripresa, l'impurtanti ùn hè micca, da un certu latu, di sapè quali ma soprattuttu di sapè s'è quissu quì t'avarà veri capacità d'assicurà a cuntinuità di u serviziu publicu, a CGPME hà vulsutu ramintà soprattuttu à tuttu u mondu a so vigilenza. Si farà casu à l'attitudini di u Statu par asempiu in casu di blucchimi novi da fà chì l'ingaghjamenti presi par chì a Corsica ùn sighi micca casticata sighini quì. È a CGPME, com'è i gîtes di Corsica, l'UMIH o altri raprisintanti intraprinariali prisenti ùn si farani micca prigà pà fassi senta è fassi veda in u casu cuntrariu, par chì i cunsiquenzi ecunomichi di 125 millioni d'auri di perditi ùn accadissi più.
Steti à senta à Philippe Pasqualini, u presidenti di a CGPME Corsica di Corsica Suprana.
Sur le même sujet
