La calamité sécheresse 2015 pour les agriculteurs corses annulée
(A redazzioni d'Alta Frequenza) - Manifistazioni nova di scuntintezza pà A Mossa Paisana. U sindicatu agriculu dinunzia u ricusu da u cumitatu naziunali di gistioni di i risichi in agricultura di a calamità sicchia 2015 pà a Corsica. Una dicisioni chì hè stata presa, ramenta A Mossa Paisana, malgradu un avisu di i servizi di Météo France chì aviani difinitu u carattaru eccezziunali di l'evenimentu climaticu. Ssa dicisioni inghjenna cunsiquenzi maiò pà parechji agricultori, tocchi da difficultà di tisuraria impurtanti. A raghjoni di ss'annulazioni di a calamità sicchia 2015 pà l'isula si ghjustificaria par asempiu, sicondu l'autorità naziunali cumpetenti, da a difficultà di valutà i perditi di a pruduzzioni di furraghju di pettu à i parcorsi ditti « d’allevu cappiatu » in Corsica, specificità chì hè ricunnisciuta eppuru. U sindicatu agriculu lampa una chjama à i puteri publichi, ma dinò à tuttu u mistieru, ch'ellu discrivi com'è "divisu da a pulitichella", par ch'ellu ritruvessi i stradi di a lotta sindicali.
Steti à senta à Bernard Antoine Acquaviva pà A Mossa Paisana.
Sur le même sujet
